الدتسن و الفراري

هذي قصه يا اخواني في الاساطير السعوديه فقد ذكر ان هناك دتسن موديل 79 حق ابو علي واليكم القصه :

يقولكم هذا ابو علي على الدتسن حقته غماره موديل 79 الرجال جاي من الرياض وقاصد الدمام المهم ابو علي حاط على الربابه وقاعد يلحن معها اعذب الالحان شوي الا الدتسن قام يقطع معه وابو علي المسكن ما يدري ويش السالفه وقفت الدتس على الطريق اثر البنزين انتهاء وش الحيله وش الحيله يا بو علي ماله الا يدقها تأشيره قام ابو علي يأشر للسيارات يبي الفزعه والسيارات مراه ولا كنه في احد ماغير الشماغ رايح يمين يسار وهو رافع اصبعه تقول جالس في صف الا وذيك الفراري الحمراء فيها اثنين من الي يحبهم قلبك .. كسر خاطرهم ابو علي وحالته ووقفو له وقالو :- امرنا يا شيبه ... رد : مايامر عليكم عدو بس الله يخليكم اسحبوني لاقرب محطة بنزين ولكم الاجر والثواب ان شاء الله رد راعي الفراري :- بس كذا تامر امر وانا اخوك ..

المهم ربطو الدتسن في الفراري وسحبوه وابو علي راكب الدتسن وشغل المسجل على ربابته .. وبعد ما تعدو 10 كيلو الا بذيك المبرقيني ماره من عندهم صرف داقه طبلونها وتشطف للفراري وتدقله اشارات تحدي .. الي مع سواق الفراري ارتفع ضغطه وقال :- افاااااااااااااا هذا يطوفك والله ما صارت افا يابو مشعاب ما هقيتك كذا تعديها له بالساهل ... السواق تحمس ودعس للفراري يبي يلحق المبرقيني متناسياً ابو علي .

قربت الفراري من المبرقيني والسرعه يا ساتر والشباب تعدو المحطه وابو علي يكبس يكبس يكبس ويأشر على المحطه ويطلع راسه مع الدريشه ويقول :- يا عيال المحطه مابي اكلف عليكم وتوصلوني الدمام يا عيالي تعدينا المحطه تكفووووووون .. ( ولا حياة لمن تنادي )
وصلت الفراري للمبرقيني والصدام بالصدام وابو علي وراهم يكبس ويأشر وهو يعد المحطات الي مرو عليها وكل محطه بدمعه وهنا الطامه ... مرو الشباب على دوريه فيها واحد من اخوانا الجيزانيين على طول الجيزاني مسك الجهاز يبي يبلغ للعمليات وقالهم . :-

يا عمليات يا عمليات فيه فراري ولمبرقيني على سرعه 280 كيلو يا علميات يا عمليات اكرر فراري ولمبر قيني على سرعه 280 كيلو وسكت الجيزاني منصدم من ما رائ وقال يا عمليات يا عليمات وفيه دتسن فيه شايب يكبس للفراري يبي يطوفهم اكرر يبي يطوفهم
خلاص خلصنا شوفو موضوع غيره

حلوه