كاتو جوز الهند

السلام عليكم و رحمة الله و بركاته
حابة اني اليوم أقدم لكم وصفة بسورية نسميها كاتو جوز الهند مشهورة كتير و كتار بيستخدموها ضيافة بالعيد او المناسبات فيكم تشتروها طبعا قطع من السوق لكن لو عملتوها بالبيت تلاقوها ألذ و هي سهلة و ما بتاخد من وقتكم كتير

المقادير
كوبين و نصف جوز الهند *المبروش *
كوب سكر ناعم
رشة فانيليا
ملعقة بيكنغ بودر كبيرة
تلاتة بياض بيض

الطريقة
تخفقي بياض البيض حتى يصبح كريما و يزداد حجمه ثم تضيفي عليه رشة الفانيليا و ملعقة البيكنغ بودر و السكر و يستمر الخفق حتى يذوب السكر بعدين نضيف برش جوز الهند عليه و فيكم تتحكموا بكمية جوز الهند فلو لقيتو انو اكتر من مزيج البيض خففوا الكمية او زيدوا بياض البيض
بعدين خذي كمية صغيرة من الخليط و بين ايديك اعمليها كرات صغيرة و اضغطي عليها شوي بيدك و رصيها بالصينية المدهونة بالسمن او الزبدة و لازم تباعدي القطع عن بعضها لانها بالفرن رح يزداد حجمها كتير و تلتصق ببعضها لو كانت قريبة
خليها بالفرن لبينما تلاقيها صارت بلون مائل للزهري يعني قبل ما تصير حمرا لازم تخرج من الفرن و بس تبرد خليها بعلبة حلويات و بالهنا و الشفا و لازم تجربوها لانو لو عملتوها صدقوني رح تعملوها على طول خصوصا انها بربع ساعة تكون جاهزة و انا شخصيا لما احب اكلة سريعة بروح المطبخ و بعملها بسرعة لانو لا تقاوم جربوها و ادعوا لي و قولوا لي رأيكم

شكرا اعزائي و محل مايسري يمري
عبودي جربها هالمرة اوكيه