همسة حائرة
مبدع
عدد الرسائل : 63
البلد : جمهورية مصر العربية
تاريخ التسجيل : 30/10/2009
نقاط : 10701
السٌّمعَة : 0
احترام قوانين المنتدى : 
|  موضوع: نصايـح الست فتحيّـة الثلاثاء نوفمبر 17, 2009 3:26 pm | |
| 
جبتلكوا حكاية جتلى ع الايميلو قلت لازم تقروها معايا.
والله فيه ناس عجيبة فى الدنيا  نصايـح الست فتحيّـة
فتحيّة : ألووووووووو
سَنيّة : أهلا يا توحة ازيك ؟
فتحية : مين سنسن ازيك انتي وعامله ايه ؟
سنية : الحمد لله ياختي بصي عندي ليكي خبر حلو
\فتحية : خير ان شاء الله
سنية : فتكات بنتـي اتخطبت لمحسن ابن الأستاذ مسعود جارنا
فتحية : لولولولولي مبروك يا حبيبتي
سنية : الله يبارك فيكي عقبال بنتك رَوحيّة
يا رب
فتحية : يا رب
سنية : طبعا ح تشرفونا
فتحية : فين؟
سنية : هنا في بيت أبوها وكتب الكتاب
في المسجد
فتحية : ايه ده ! الخطوبة في البيت ؟
هوّ بيتكم حايكفي أهل الشارع والجيران ؟
ده حتى عيلتكم كبيرة
سنية : ح يكفّي بس قولي ان شاء الله
فتحية : ان شاء الله ويا ترى جبتم الشبكة ؟
سنية : أمال ايه ...إسورة وخاتم زي العسل
فتحية : ايه إسورة وخاتم بس !
ده انتي بنتك تستاهل تُـقلها دهب
سنية : الله يخليكي المهم السعد
[/size] فتحية : لا لا لا لا يا سنية انتو اتساهلتوا ..
لازم العريس يدفع علشان يحس بقيمة عروسته,
كده رخّصتوها
سنية : تفتكري ياختي ؟ فتحية : طبعا ولازم يجيبلها أحسن فستان كمان
سنية : بس هي ح تلبس فستان أختها
فتحية : ايه....ده كلام ؟ ...دي ست العرايس
سنية : طب أعمل ايه ياختى ده خلاص الخطوبة بكره ؟ فتحية : كلّمي أبوه وأمه واتمسكي بموقفك ..
لازم يجيب لها فستان ويزوّد الشبكة
وأعملوا الحفلة في نادي
سنية : بس انتي عارفة جوزي ما بيحبش كده
فتحية : خلاص خليكي كده سلبيّـة وسيبي بنتك تتهان
وتتباع رخيصة , فين الايجابية ؟
هو انتي ياختي ما سمعتيش
عن صناع الحياة واللي بيعملوه
سنية : آه سمعت في التليفزيون
فتحية : خلاص أعملي حاجه بسرعة
سنية : أنا ح أقفل معاكي وأكلم أهل محسن
وفـعلاً.. استجابت سنية لوسوسة فتحية وكلمت العريس وأهل العريس واتفركشت الجوازة
[size=25]وعيّطت فتكات ... ومرت الأيام وفي ليلة من الليالي سمعت سنية زغـروطة كبيرة ولولبيّـة سنية : فتكات
فتكات : أيوه يا ماما
سنية : سامعة اللي أنا سامعاه ؟
فتكات : اهيء اهيء أيوه يا ماما
سنية : دي زغـاريـط ..يا ترى منين؟
فتكات : من عند طنط فتحية
سنية : الله...روْحيّـة اتخطبت ؟
فتكات : اهيء اهيء أيوة يا ماما
سنية : طب بتعيطي ليه..عقبالك يا نور عيني... ما تزعليش فتكات : عارفة اتخطبت لمين يا ماما ؟
سنية : لأ...اوعي تقولي
فتكات : محسن يا ماما .. وقدّم لها نفس الإسوِرة
والخطوبة ح تكون في بيتهم مش في النادي..
وكمان لبست فستان بنت عمها
إهـيء إهـيء
إهـيء إهـيء
- النهايــة - |
|
كويتيه حلوه
مبدع جديد
عدد الرسائل : 5
البلد : الكويت
تاريخ التسجيل : 09/03/2010
نقاط : 10367
السٌّمعَة : 0
احترام قوانين المنتدى :
| | موضوع: رد: نصايـح الست فتحيّـة الثلاثاء مارس 09, 2010 1:53 am | |
| هههههههههههههههههههههههههههههههههههههههههههههههههههه يسلمو الموضوع وايد حلو |
|
امين م ق
مبدع فضي
عدد الرسائل : 559
البلد : بنغازى ليبيا
تاريخ التسجيل : 05/03/2010
نقاط : 11449
السٌّمعَة : 2
احترام قوانين المنتدى : 
| | موضوع: رد: نصايـح الست فتحيّـة الخميس أكتوبر 09, 2014 9:33 am | |
| وسوست الشياطين ، اقلهن مهرا اكثرهن بركه ..... وكلها عادات ما انزل الله بها من سلطان  |
|
